Җил Капка. Дилә Булгaкова сүзләре, Мәсгудә Шәмсетдинова көе
Яфрак бураны әйләнә -
Тайпылдым мең төсләрдән,
Җил капкаларын бикләмә -
Качып киләм көзләрдән.
Кушымта:
Кулларымда ал күбәләк,
Тыным белән җылыттым,
Моң-күңелгә җан өрергә
Җитә икән җылы тын.
Чәчләремдә җиләк исе,
Чәчәк кенә су юлы.
Синең янга җәйләр буйлап
Кайтып киләм бу юлы.
Кушымта:
Кулларымда ал күбәләк,
Тыным белән җылыттым,
Моң-күңелгә җан өрергә
Җитә икән җылы тын.
Җәй гамьнәрен җанга урап
Тайпылдым мең төсләрдән,
Капкаларың ачык калдыр -
Кайтып киләм көзләрдән.
Кушымта:
Кулларымда ал күбәләк,
Тыным белән җылыттым,
Моң-күңелгә җан өрергә
Җитә икән җылы тын.
PDF file
|